Пятница
22.09.2017
14:31
Приветствую Вас Гость
RSS
 
Романы даёри :: Цыганская мама
Главная Регистрация Вход
Каталог статей »
Меню сайта

Поиск

Главная » Статьи » Детская библиотека

Лолинько Шапочька

Цыганский пересказ: Лилит Мазикина, Мария Иванова

Джид́я про св́это екх т́ыкнинько чяёр́и. Л́атэ ис́ыс ѓожо л́олинько ш́апочька. Чяёр́и ад́якэ кам́элас п́эскри ш́апочька со ур́елас ла кажно дыв́эс. Паладав́а сар́э ла кхар́энас «Л́олинько Ш́апочька».

— Л́олинько Ш́апочька, — екх м́оло пхэнд́я дай чяёрь́якэ. — Тир́и пхурид́ай насвал́ы. Мэ пэкьём л́акэ гудл́э псир́оги. Ян лэн с́обы ёй тэ хал.
— Мишт́о, д́аёри, — пхэнд́я Л́олинько Ш́апочька, лэ́я корз́инка псирогэнца и гы́я кэ пхурид́ай.

Э пхурор́и джив́элас дро кхэр пал о вэш. Э чяёр́и на закамь́я тэ обдж́ял о вэш и гы́я вэшыткон́э дромор́эса. Ёй дж́ялэс и скэд́элас э лулуд́я пхурид́акэ.
Вдруг э куст́эндыр выгы́я бар́о с́еро рув. Л́олинько Ш́апочька никогд́а на дыкс́я рув́эн и на полэ́я кон ад́а. Ёй д́ажэ на здард́я и т́олько пхэнд́я:

— Лачё дыв́эс!
— Лачё дыв́эс, ч́яёри, — пхэнд́я рув. — Кар́ик ту джяс?
— Мир́и м́ами1 насвал́ы, и мэ ян́ава л́акэ псир́оги, — пхэнд́я Л́олинько Ш́апочька.
— А кай тир́и м́ами джив́эла? — пуч́я рув.
— Ёй джив́эла дро т́ыкнинько парн́о кхэр пал о вэш.
— Тогд́а ту джяс на чячюн́эс! Т́укэ тр́эби тэ джяс одол́э дромор́эса, — пхэнд́я рув и сыкад́я вав́ир дромор́о. Ёв обхохад́я чяёрь́я. Вав́ир дромор́о сыс длэнгод́ыр. О рув придуминд́я тэ припраст́ал кэ кхэрор́о пэрвон́эс и тэ хал пхурорь́я, а потом, пал гудл́эстэ, тэ хал и чяёрь́я.

Нэ Л́олинько Ш́апочька адал́эс на джин́элас. Ёй парикирд́я рув́эс и гы́я вавр́э дромор́эса. А рув с́ыго-с́ыго праст́андэя кэ пхурорь́якиро кхэр и припраст́андэя пэрвон́эстэ. Ёв мард́я дрэ п́орта.
— Кон од́ой? — пуч́я пхурор́и.
— Ад́ай мэ, тумар́и вн́учька! — уч́е глосорь́яса пхэнд́я рув.
— Пот́ырдэ шэлор́о, т́ыкнори мир́и, п́орта откэр́элапэ!
О рув потырдэ́я шэлор́о, п́орта откэрд́япэ, ёв праст́андэя дро кхэрор́о и – ам! – ха́я пхурорь́я. А кокор́о урь́я л́акиро уриб́э и пасэ́ём дрэ пасинд́ы. Ёв подуминд́я со ав́эла дырв́ан сабн́ыткос тэ прикэр́элпэ пхурорь́яса.

Вот Л́олинько Ш́апочька подгы́я кэ т́ыкнинько парн́о кхэрор́о. Ёй мард́я дрэ п́орта.
— Кон од́ой? — пуч́я рув пхурорь́якирэ глось́яса.
— Ад́ай мэ, тумар́и вн́учька! — пхэнд́я Л́олинько Ш́апочька.
— Пот́ырдэ шэлор́о, т́ыкнори мир́и, п́орта откэр́элапэ!
Л́олинько Ш́апочька потырдэ́я шэлор́о и п́орта откэрд́япэ. Чяёр́и вгы́я дро кхэрор́о, тход́я лулуд́я дрэ в́азочька и бэст́я пэ м́амискри пасинд́ы. Ёй ґар́а на дыкх́элас м́амья и на можын́элас тэ пол́эл со л́аса на ад́якэ.

— М́ами, м́ами, — пуч́я чяёр́и, — а с́оскэ т́утэ адасав́э бар́э якх́а?
— Ад́а с́обы фэд́ыр тэ дыкх́ав тут, т́ыкнори мир́и! — пхэнд́я рув.

— М́ами, м́ами! А с́оскэ т́утэ адасав́э бар́э кан́а?
— Ад́а с́обы фэд́ыр тэ шун́ав тут, т́ыкнори мир́и! — пхэнд́я рув.

— М́ами, м́ами! А с́оскэ т́утэ адасав́э бар́э васт́а?
— Ад́а с́обы зоралэд́ыр тэ обл́ав тут, т́ыкнори мир́и! — и ад́ай о рув ухтылд́я Л́олинько Ш́апочька.

— М́ами, м́ами! А с́оскэ т́утэ адасав́э бар́э данд́а?!
— Ад́а с́обы тэ хав тут!!! — тэ дэ́я годл́ы ё рув. Нэ т́олько ёв откэрд́я пасть, сыр э чяёр́и вырискирд́япэ л́эскрэ васт́эндыр. Ёй праст́алас пир о кхэр и д́элас годл́я, а рув мар́эласпэ ла тэ ловин́эл. Вэш́эстыр выдж́янэс охотн́ики. Ён́э шунд́э годл́ы, впраст́андынэ дро кхэр и умард́э рув́эс, а пот́ом вылын́э л́эскрэ пэр́эстыр пхурорь́я. Ёй сыс джид́ы, нэ дырв́ан здард́ы.

И пхурор́и чяёрь́яса укэрд́э охотниќэн гудлыпн́аса и псироѓэнца.



1 мáми - бабушка

Категория: Детская библиотека | Добавил: dajori (12.02.2008)
Просмотров: 1129 | Комментарии: 1 | Рейтинг: 5.0/2 |

Всего комментариев: 0
Имя *:
Email *:
Код *:
Форма входа

Небольшой вопрос
Как вам наш сайт?
Всего ответов: 149

Друзья сайта


Copyright MyCorp © 2017