Четверг
28.03.2024
14:55
Приветствую Вас Гость
RSS
 
Романы даёри :: Цыганская мама
Главная Регистрация Вход
Каталог статей »
Меню сайта

Поиск

Главная » Статьи » Детская библиотека

Романо дром
Редьярд Киплинг
перевод Виктора Шаповала


Шукар згарады э парны матхин,
Э бырлин урнял кэ ягвин,
Сыр о рат романо к одо рат романо,
Жыкай свэто баро исын.

Жыкай свэто баро сы тэрдо, чяёри,
Жыкай дром чячюно зракхно,
Пирэ пхув калори, тэлэ пхув на дари,
Вса кэ ту палэ рисино.

Кай раклэ сыс тэрдэ, пашо дром раткирдэ,
Адатхыр, кай муло вангар,
Кай кхарэл дром баро пиро свэто саро
Джя кэ зоря, чяво шукар!

Кэ мэл – о балычё, кай сы лэскэ лачё,
Дрэ чяр – о лоло чирикло,
Сыр э чяй романы ко чяво романо,
Кай сы лакиро ди пхандло.

О бакро – кэ долина, кай сыс барино,
Э саплын вса ко бар тато.
Сыр э чяй романы ко чяво романо,
Кай сы лэнгэ дро дром мишто.

Кай сы лэнгэ дро дром миштыпэн, миштыпэн!
Про паны, кай дрома змакхлэ,
Кай трушыл сыкавэла о дром-чячипэн
Пиро свэто одой и палэ!

Кай кхарэла дро дром о трушыл романо,
Кэ пашрат, ко бэрги парнэ,
Кай дро паґо – баркакиро накх уридо,
Тэло ив илэ шылынэ.

Кай кхарэла дро дром о трушыл романо,
Ко шукар-лачё пашдывэс,
Кай балвал шулавэл о паны зэлэно,
Сыр о тхуд лэс кэри парнэс.

Кай кхарэла дро дром о трушыл романо,
Кэ бельвель, ко кхам пасино,
Кай о барки пхакэнца кхарэна амэн,
Кай саекх – нашадо, латхно.

Кай кхарэла дро дром о трушыл романо,
Кай прэ зоря суто сы штыл
Прэ лоли пхув паны, со явэла кхино
Пашо вэш, кай нанэ о шыл.

О пхака раинэн дро жужо болыбэн,
О шынга – кай чярья-пхара,
Сыр джинэскро ило ко дженякро ило,
Акана, какана, сыр ґара.

Сыр джинэскро ило ко дженякро ило,
Сыр о кхам кэ мри шатра яв!
Кай кхарэл дром баро пиро свэто саро,
Амаро – да свэто про лав.



Источник: http://www.philology.ru/liloro/liloro.htm
Категория: Детская библиотека | Добавил: dajori (19.11.2007) | Автор: Редьярд Киплинг
Просмотров: 2431 | Рейтинг: 0.0/0 |

Всего комментариев: 0
Имя *:
Email *:
Код *:
Форма входа

Небольшой вопрос
Как вам наш сайт?
Всего ответов: 150

Друзья сайта


Copyright MyCorp © 2024